1. BABULONI HAMWE N’UMWAGAZI
Umumalayika wa kabiri atangaza inkuru nziza: “Kirakomvomvotse kirakomvomvotse
Babuloni ca gisagara gihambaye cateretse amahanga yose vino niyo burake bw’ubushakanyi
bwaco” (Ivyahishuwe 14 :8). Mu bikurikira, turihweza neza ingingo nshimikiro z’ubu
butumwa.
2. BABULONI YA KERA HAMWE N’UMUKERUBI YAGUYE
Vyose vyatanguye mu “kiyaya c’igihugu c’i Shinari” (Itanguriro 11 :2), irindi zina rya Babuloni
mu kuvuga igice c’ubumanuko bwa Mezopotamiya. Aho inyuma y’umwuzure, abantu
bafashe ingingo yo kwubaka igisagara citwa Babeli, gifise umunara ushika kw’ijuru
(umurongo wa 4). Mur’iyo nkuru, izina Babeli rishingiye ku rivuga ry’igiheburayo “balal,”
risigura “kuvanga”, vyerekana ko Babeli risigura “urudubi.”
Inkuru ivuga umugambi ushira
hamwe abantu bafise intumbero imwe. Vyari ibikorwa n’integuro z’abantu zifise imizi mu
vyipfuzo vyo kwikingira. Cari icipfuzo c’abantu kirengeye uko umuntu yovyiyumvira,
kuberako gifise intumbero yo kuganza isi n’amajuru. N’icipfuzo cagutse kurenga imbibe z’isi
kuko bagomba kwubaka igisagara kirengeye isi, kitagendera mu rutonde rw’Imana, kizoshira
hamwe imigabane ibiri ikomeye y’ibiriho ni kuvuga ubumuntu n’ubumana.
Abantu b’i
Babuloni bita ico gisagara bab-ilani, “urugi rw’imana,” kumbure kuberako igisagara cafatwa
gihuza ijuru n’isi gifatanya abantu bari kw’isi n’imana ziri mw’ijuru.
Inkuru ya Bibiliya ivuga ko ari igikorwa c’ubugarariji kirwanya intumbero y’Imana ku
kiremwa muntu (Itanguriro 9 :7; 11 :4). Ico gikorwa cari kiyobowe numugabo azwi kwizina rya Nimrod Umugambi wo kwubaka hamwe n’intumbero yawo
warangiye igihe Imana, uwutari yatumiwe muri uwo mugambi, yaje igahindura akamaro
k’ururimi rw’abantu ko kubahuza (Itanguriro 11 :7, 8).
Ubwibone no kwumva ko bikwije kwa Babuloni biravugwa neza cane muri Yesaya igihe
Imana yatangaza urubanza rwayo kuri Babuloni, iserukiwe n’umwami wayo (Yesaya 14 :3-
23).
Igisomwa gikoresha ivyipfuzo vyimbitse vy’umumarayika yaguye kugira ngo kivuge
ivyipfuzo n’intumbero vy’umwami w’i Babuloni kandi mu gukora gutyo Imana yashize
ahabona ukwononekara kw’imbere kw’uwo mu mukerubi yaguye: “Wari waribariye mumutima wawe, uti nzoduga nje hejuru mw’ijuru, nkuze ingoma yanje isumbe inyenyeri
z’Imana, uti nzovyagira ku musozi w’ikoraniro mu ruhande rw’impera y’i buraruko. Uti
nzoduga ndenge ah’ibicu bigarukira; nzoba nk’Isumba vyose” (imirongo ya 13, 14).
Ico cipfuzo nyene mu buryo bumwe canke ubundi, cahavuye kironka ikibanza mu mutima
w’umuntu.
Nubwo Babuloni ivugwa muri kahise yasambutse, ivyipfuzo vy’umukerubi yaguye
n’ubu biracariho kandi azogerageza kubishikako mu gihe c’iherezo.
Ushaka kumenya imikorere n'isenyuka rya Babuloni kanda ngaha👇👇
Sohoka muri Baburoni kuko igiye kurimbuka
0 Commentaires