IGITABO C'IVYAHISHUWE IGICE CA MBERE

IBIRIMWO

1. Incamake y'Iki gitabo c'Ivyahishuwe
2. Icubako c'igitabo c'Ibyahishuwe
3. Umugambi w’iki Gitabo c'Ivyahishuriwe Yohana
4. Igitabo C’Ibyahishuwe Kigenewe nde?
5. Kwinjira mw'ido nido ry'Igice cambere c'Ibyahishuwe Yohana
6. Amashengero ndwi:
7. Umusi w'Imana

Incamake y'Iki gitabo c'Ivyahishuwe

Twize igitabo ca Daniel, Amajambo yanyuma umuhanuzi yabwiwe ni uko azoruhuka akarindira umusi wizuka.

Daniyeli ntiyaciye aduga mw’ijuru amaze gupfa, n’aho vyari bizwi neza ko ari umweranda. Umumalayika yamubwiye ko azoruhukira mu mva yiwe gushika kw’iherezo. Ico gihe, azohagarara kugira ngo aronke ingero yiwe, mu rubanza, igihe amazina y’abo bose bapfiriye mu kwizera azohamagarwa agacirwa urubanza. “Kukw’Imana izoshira igikorwa cose mu rubanza, bo n’ikintu cose gihishijwe, ari kibi canke ciza.” Umusig.12:14

Ariko “umugabane“ wa Daniyeli uriho, urateguwe.

Niwige Ubusobanuro bw'Igitabo ca Daniel kugira ushishikare kumenya vyishi, kanda ngaha.

Ijambo ryambere ritangurira iki gitabo c'Ivyahishuwe niri : « Uguhishura kwa Yesu Kristo, ukwo yahawe n'Imana ngo yereke abagurano biwe ibigira bibeho vuba, agatuma umumarayika wiwe akabimenyesha umugurano wiwe Yohana, yashingiye intahe ivyo yabonye vyose, ni vyo jambo ry'Imana, no gushinga intahe kwa Yesu Kristo.»

N'igitabo c’Ubutumwa bwiza, Kandi : «Hahirwa usoma, hahirwa n'abumva amajambo y'uku kuvugishwa n'Imana, bakitondera ivyanditswe muri yo: kukw igihe kiri hafi.» Ivyahishuriwe Yohana 1:1-3

Yesu Kristo niwe yahishuye ivyo dusoma mu gitabo c’Ivyahishuwe vyose, ntabwo ari Yohana. Ahubwo Yohana niwe yahishuriwe na Yesu kandi amutegeka kwandika ivyo yeretswe kubw’ishengero rya Kristo ryari rigenewe iryo hishurwa.

Izina ryiki gitabo rya kame ryo mukigiriki ni APOKALYPSIS, risigura uguhishurwa, Tugiye kumara igihe turiko duhishurirwa. Koko buri wese ategerezwa kugira imbono nkiya Yohana kugirango bikunde ahabwe uku guhishurirwa : « …kuri Yesu Kristo, icabona co kwizigirwa, imfura y'abari barapfuye, uganza abami bo mw isi. Umwe adukunda, yatubohoje ivyaha vyacu amaraso yiwe, » Ivyahishuriwe Yohana 1:5

Ihishurirwa ryose ry’ukuri naha rihagaze, kwakira urukundo rw’uwatubohoye akadukura mucaha. Turi mugihe ca nyuma, Aho abantu benshi bariko birengagiza ibi maze bakizera ibitangaza , kuvugishwa n’amayerekwa yabiyitwa abakozi b’Imana biki gihe.

Umwami Yesu aratugabisha :

• « Kuko hazokwaduka abigira Kristo n'abigira abavugishwa n'Imana, bagakora ibimenyetso bihambaye n'ibitangaza, kugira ngo bazimize n'abatoranijwe ni vyashoboka. » Matayo 24:24
• « Nuko muzobamenyera ku vyo bama. Umuntu wese amvumereza, ati Mwami, Mwami; si we azokwinjira mu bgami bgo mw ijuru, atar' ukora ivyo Data wo mw ijuru agomba. Benshi bazombgira kuri wa musi, ngo Mwami, Mwami, ntitwavugishwa n'Imana mw izina ryawe, ntitwasenda abadayimoni mw izina ryawe, ntitwakora ibitanganza vyinshi mw izina ryawe? Ni ho nzobajinjiburira, nti Nta ho nigeze mbamenya; mviraho, mwa bakora ibizira mwe. » Matayo 7:20-23)
• « Muri mwebge ni haduka umuvugishwa cank' umurosi, akabaha ikimenyamenya cank' akababarira igitangaza, ico kimenyamenya cank' ico gitangaza kigashika, ico yababariye, ati Ni cashika tuze tugendanire izindi mana, tuzisabe; kand' ar' imana mutigeze kumenya; ntimuze mwemere amagambo y'uwo muvugishwa canke y'uwo murosi, kuk' Uhoraho Imana yanyu azoba abagerageza, ngw amenye yuko mumukundisha imitima yanyu yose n'ubugingo bganyu bgose. Ariko muze mugendanire Uhoraho Imana yanyu, mumwubahe, mwitondere ivyagezwe vyiwe, mumwumvire, abe ari we musaba, mwifatanye na we akaramata. » Gusubira mu vyagezwe 13:1-4

Kubera urukundo Yohana yakunda Yesu, Yahisemwo kumuvugira mw’isi yariko irata umurongo : « Tuvuze yuko dufatanije na yo, tukagendera mu mwiza, kuba ar' ukubesha, ntituba dukora ivy'ukuri. Ariko tugendeye mu muco, nk'uko na yo iri mu muco, tuba dufatanije ubgacu, kand' amaraso ya Yesu Umwana wayo atwoza icaha cose. Tuvuze yukw ata caha dufise, tuba twizimiza, ukuri ntikuba kuri muri twebge. Ni twatura ivyaha vyacu, ni yo yo kwizigirwa kand' igororoka, ivyo ni vyo bituma iduharira ivyaha vyacu, ikatwoza ukugabitanya kwose. Tuvuze yukw ata caha twakoze, tuba tuyigize umubeshi, kandi n'ijambo ryayo riba ritari muri twebge.» 1 Yohana 1:6-10

Kuvuga ukuri kwiwe yarakuzize, Intwaro yaba Kayizari y’i Roma yaramutoteje.

1. Nero
2. Mu 69 haje Vespasiono, uwo niwe yasambuye Yerusaremu.
3. Tito yahavuye akurwa kubutegetsi n’umuhungu wiwe
4. Uno muhungu wigitabanga Domisiyano niwe yataye Yohana mwizinga Patimos

Uwo yategetseko Yohana atabwa mungunguru yuzuye amavuta ashushe, Imana iramutabara avayo akomeye, Domisiyano yaciye ategeka ko bamuterera mwizinga Patimosi riri mukiyaga ja Aje hafi y’igisagara ca Efeso aho Yohana yarasanwe aba.

Umugenzi wiwe Yesu yaciye amusanga aho hantu, maze amuha ubutumwa budasanzwe bubwirwa abarin’amatwi bumva. Nkuko tuzobibona, n’ubutumwa bubwirwa abantu bose kandi bw’ukuri bukwiye, bushitse.

Kurikirana ino Video kugira ngo ushobore kumenya vyinshi kw'incamake y'igitabo c'ivyahishuriwe Yohana

Icubako c'igitabo c'Ibyahishuwe

Igitabo c’Ivyahishuriwe Yohana ni Igitabo gisigura Bibiliya yose, Raba :

1. Isezerano rya Kera ngo Mesiya azoza kandi azokurwaho kubwivyaha vyacu.
2. Isezerano Rishasha ngo Mesiya yaje kandi yapfuye yazutse asubiye mwijuru.
3. Ivyahishuriwe Yohana ngo: Mesiya agiye kugaruka.

Umurongo umwe muri 25 ugenda uvuga ivyukugaruka kwa Yesu: “Eh' arazanana n'ibicu, kand' ijisho ryose rizomwibonera, n'abamucumise bazomubona: kand' amoko yose yo mw isi azoborogeshwa na we. Ni ko biri. Amen.” Ivyahishuriwe Yohana 1:7

Uri nugutwi niyumve, Yesu abane natwe twese mugihe twiga iki gitabo “Kandi Mpwemu bo na wa mugeni barahamagara, bati Ngwino. Kand' uwumva n'ahamagare, ati Ngwino. Kand' ufise inyota n'aze, ugomba ni yakire amazi y'ubugingo ku buntu.” Ivyahishuriwe Yohana 22:17

Umugambi w’iki Gitabo c'Ivyahishuriwe Yohana

Gutanga amahirwe “Hahirwa usoma, hahirwa n'abumva amajambo y'uku kuvugishwa n'Imana, bakitondera ivyanditswe muri yo: kukw igihe kiri hafi.” Ivyahishuriwe Yohana 1:3

Yesu yavuzwe ngaho ahishura, Hari vyinshi yaduhishuriye:

• Niwe yaduhishuriye inshusho ya Data wa twese (Kol 1: 15; Yohana 1: 18)
• Niwe yamenyekanishije amabanga y’Umuremyi akayahishurira abahanuzi (2 Petero 1:21; 1 Petero 1: 10-11)
• Ugusubiza hamwe n’ijuru bwashobokeye muri Yesu, Umwana w’Imana niwe yahaye abavyeyi bacu bambere isezerano ryo gucungurwa (Itanguriro 3:15)
• Niwe yayoboye ab’Isirayeli igihe baca mubugararwa, kandi niwe yabahaye amategeko. Yagendanye na Enoke, Aba hafi Adamu na Mose, Nowa, Aburam, Isaka, Yakobo…..

Igitabo C’Ibyahishuwe Kigenewe nde?

Kigenewe abagurano ba Kristo Mub’Abaroma 6 intumwa Paulo yarerekanye ko arabemeye kwizera Yesu, bakamwiyegurira bivuye kumutima. Ukaba utarafata ingingo yo kwiyegurira Yesu, mwiyegurire unomusi.

Kwinjira mw'ido nido ry'Igice cambere c'Ibyahishuwe Yohana

Amashengero ndwi:

4 Jewe Yohana ndabandikiye mwebge abo mu mashengero ndwi yo muri Asiya. Ubuntu bube muri mwebge n'amahoro biva kur' Iyo, iriho, kandi yamyeho, kand' igira ize, biva no ku Mpwemu ndwi zir' imbere y'intebe yayo, 5 no kuri Yesu Kristo, icabona co kwizigirwa, imfura y'abari barapfuye, uganza abami bo mw isi. Umwe adukunda, yatubohoje ivyaha vyacu amaraso yiwe, 6 akaduhindura ubgami, no kuba abaherezi b'Imana yiwe, ni yo Se: icubahiro n'inganji bibe ivyiwe ibihe bitazoshira. Amen!

Hari hariho ayandi mashengero muri aziya ntoya: Korosayi ryari hafi ya Lawodokiya, i Mileto hari hafi yikizinga Patimos, Tirowa hari hafi ya Perugamo, Kuki Ayo yandi mashengero atandikiwe hakandikirwa ayo indwi gusa ?

Ubwakabiri kuberako ibintu bivurwa muriki gitabo birengeye gusa kuvyari kuvurwa kuba Kristo bo mugihe ca Yohana ahubwo hariho nibivurwa kuba Kristo biki gihe, Duca twemeranya ko ayo mashengero indwi yagereranije ibihe ishengero rizocamwo hakoreshejwe igitigiri gishitse indwi.

Harimpamvu nyishi zatumye hakoreswa ayo mashengero indwi, Kanda ngaha kugira ukurikirane icirwa cose muvuryo bwa Video

Itangazo ridasanzwe

Kimwe mu bintu bikomeye igitabo c'ivyahishuwe kivuga, nuko Yesu azogaruka kutujana, Uwo adukunda azogaruka kutujana: 7 Eh' arazanana n'ibicu, kand' ijisho ryose rizomwibonera, n'abamucumise bazomubona: kand' amoko yose yo mw isi azoborogeshwa na we. Ni ko biri. Amen

Kuza kwiwe Kuzogaragarira bose.- “Ijisho ryose rizomwibonera.” Umuntu wese azaba akiri muzima ubwo Kristo azogaruka azamubona. Harabantu bo mwiki gihe bakomeza gusubiza Yesu kumusaraba, baharurwa mubamucumise, abo nabo bazomwibonera.

Kurikirana ino Video kugirango Umenye neza muvuburyo buramvuye ubusobanuro nyabwo bw'igice ca mbere c'Ivyahishuwe

Umusi w'Imana

Ku musi w'Imana nari muri Mpwemu, numva inyuma yanje ijwi rirenga nk'iry' inzamba Ivyahishuwe 1:10

Bamwe bemera ko iyi mvugo ngo “Umusi w’umwami” ishaka kuvuga ibihe vyose vy’ivuga butumwa, ko ntaho bihuriye n’umunsi w’amasaha 24. Hari abandi bavuga ko umusi w’umwami ushaka kuvuga umusi w’urubanza, umusi w’umwami wo mu gihe kizoza. Abandi bemera ko uyu musi w’umwami wavuzwe hano ari umusi wa mbere w’imisi indwi (Sunday, Dimanche). Abakane bo bemeza ko uyu musi w’umwami wavuzwe hano ari umusi w’ndwi ariwo Sabato y’Uhoraho Imana (Kw'i Sabato, Saturday, Samedi).

Bibiliya yigisha iki? "Arababarira, at' Ivyo ni vyo Uhoraho yavuze, at' Ejo uzoba umusi wo kuruhuka, w'isabato irobanuriwe Uhoraho; ni bagende barondere ivyo bagomba, bateke ivyo bagomba; ibisagutse babibike, babiraze." Kuvayo 16:23

Umusi w'Imana ni Isabato iboneka muri Bibiliya, Ushaka gutahura vyinshi kuruku kuri, kurikirana ino Video iraha musi:

Kanda ngaha kugira Telechargement y'iki cirwa muburyo bwa Powerpoint

Ufise ikibazo, canke ukaba wumva ufise ico woterera kuriki cirwa, ushobora kuvyandika muri commentaire canke ukaturondera kuri contact ziraha musi.

Whatsapp: Kanda ngaha , Facebook: Mugihugu c'Ivyiza TV, Email: Kanda ngaha