Ijambo ry'Imana ni Ubugingo : Ntimuhagarike Imitima yanyu

Reka duhere kugisomwa co muvyanditswe vyera iki cirwa cisunga : 

6.Kuk' Uhoraho atanga ubgenge, Mu kanwa kiwe havamw' ukumenya n'ugutahura. 7.Abikira abagororotsi ubgenge buroranye, Ni we nkinzo y'abagenda batunganye. 8.Kugira ngw arinde inzira z'imanza ziroranye, Kand' azigame urugendo rw'abayoboke biwe. 9.Ni ho uzotahura ubugororotsi n'imanza ziroranye, N'ibitunganye, mbere n'inzira nziza yose. 11.Amakenga azogushibamira, Ugutahura kuzokuzigama,(Imigani 2:6-9, 11)

Ikintu cose ciza gituruka ku Mana, turashobora kuyisaba kutwigisha kugirango Imitima yacu ijanjagurike, yorohe nk'inyama imbere yayo. ( Imigani 2:6) Tugomba kwirinda gutsitazwa n'ibihenda amaso, ibifungurwa hamwe n'ubutunzi (Matayo 4:4) Haravyerekana ko ivyo arivyo satani ahendesha umuntu. 

 

Mubisanzwe, twama twishiramwo ko Imana yaduhevye iyo dukoze icaha, ariko siko biri, ico Yahwe yipfuza, nuko duhindukirira Ijambo ryiwe, nawe akatweza kugirango ubugororotsi atubikiye budushikeko ( Imigani 2 :7) Yesu abona iherezo uhereye kw'itanguriro kandi kumpera ya vyose ashakako tuzobana nawe mw'Ijuru. 

Mbega ukuntu aya majambo ya Yesu ngo : «4.Aramwishura, ati Vyanditswe ng' Umuntu ntatungwa n'umutsima gusa, arikw atungwa n'ijambo ryose riva mu kanwa k'Imana.» (Matayo 4:4) yodufasha gutahura ico arico gukura umutima kuvyiyi si, tukawerekeza kuri Jambo w'Uhoraho ! 

Birakwiye ko dutungwa na handitswe ngo itari uburyarya, reba ico abatahuye ico arico Ijambo ry'Imana banditse : 11.Nabitse ijambo ryawe mu mutima wanje Ngo noye kugucumurako. Zaburi 119:11 4.Ku ruhande rw'ibikorwa vy'abantu, jeho kwitondera ijambo ry'iminwa yawe Ni kwo kwampaye kwirinda inzira z'abantu b'ikirara. Zaburi 17:4 Ukugororoka kwose kuva n'Umuremyi( Imigani 2 :9).

Hariho abantu bavuga ko bakorera Imana, mugihe bashimikiye kunkomezi zabo, abo baribesha ntibazoshika mubugororotsi ijuri ryipfuza. Iyo Kristo aba mumitima yacu, tuzoca twuzuzwa urukundo n'Umunezero mugushigikirana nawe.

Nitwamara kumenya Imana nkuko ari amahirwe yacu yo kuyimenya, ubuzima bwacu buzoca buhinduka ubuzima buguma bwubaha Imana, kubwo gusabana n'Imana biciye mw'ijambo ryayo, gusenga no kwizera icaha kizoca kitugirira urwanko rukabije.

Uyumusi uhamagarirwa rero guhindukirira icavuzwe n'Umuremyi wawe kugira ukire, ivyufisemwo amakenga bitorerwe inyishu, uzobe mubazosanganira umwami wacu ubwo azoba aje kutujana, ahari abariho tuzoba. Murakoze !!