Umugore yagize amahirwe ahura n'Umugabo adasanzwe.

«Umugabo canke umusore wese andondeye arandonka, nje umpamahera nanje nkaguha ico wipfuza cose.»

Uko niko yarameze, yadandaza ubuzima kandi nivyo vyari bimutunze, yariyumvirako ahevye ico gikorwa atakundi yobaho aca yiyandikako iryotangazo.

Ahuye n'Umugabo yaramutereta akamwitwarako neza Kugira amwiyegurire, igihe kimwe aja kuvoma, asiga Umugabo bari basanzwe basambana munzu, amubwirati burasigaye aho ndaje ndaguhe ico wipfuza mbanze nje kuzana amazi. Ashitse kwiriba ahasanga Umugabo ahicaye. Kuberako yarindaya, yatanguye kwisetsa no kwitoza iyonzo.

Maze uwomugabo atangura kumubwira :" wamugorewe ico nkwibariza, mpamazi yo kunywa" nkuko biri kubiki gihe, Ababonye uwomugabo, canke uwo mugore, bose bari babonyeko uwomugabo atanguye kuresha uwo uwomugore. 

Reba ikiyago bagiranye :

" Haza umugore w'Umusamariyakazi kuvoma: Yesu aramubgira, at' Umpe utwo kunywa. Uno Musamariyakazi aramubaza, ati Wewe ur' Umuyuda, non' unsaba amazi ute, jewe nd' Umusamariyakazi? (Ni kukw Abayuda n'Abasamariya banenana.) Yesu aramwishura, at' Iy' uba war' uzi ingabire y'Imana, ukamenya n'ugusavye ngo Mpa utwo kunywa uw' ari we, nawe uba umusavye, na we akaguha amazi y'ubugingo. Wa mugore aramwishura, ati Mugenzi, kw ata co kuvomesha ufise, kand' iriba rikaba ari rirerire, non' ayo mazi y'ubugingo uyakura hehe? Yesu aramwishura, at' Unywa kur' ayo mazi wese azosubira kugira inyota; Yohana 4:7, 9-11, 13" Umugore yatanguye kuvuga ati ngaho uraje, abagabo nsanzwe mbaziko mwiyemera, mukumuseka aca amubwira ngo" Uwo mugore aramubgira, ati Mugenzi, mpa se ayo mazi, sinze ngire inyota, kandi sinze ngaruke kuvoma ino hose. Yohana 4:15"

Biroroshe cane kuzimira iyo uriko utahura Amajambo ya Yesu mumubiri. Uyumugore yari yahuye n'umukiza atanga ubugingo budashira, ariko aguma amuraba nk'umuhabara. Yesu yagomba rero kumwereka aho atandukaniye n'abandi bagabo. Mbega wewe nawe, ushitse imbere y'ikigeragezo wifata gute ?

Yesu aca atangura igikorwa ciwe :

"Yesu aramubgira, ati Genda uhamagare umugabo wawe, uheze ugaruke ino. Yohana 4:16 " Kubera uwomugore yari umusambanyikazi, yaciye ahakana :"Uwo mugore aramwishura, ati Nta mugabo mfise. Yesu aramubgira, at' Uvuze ko, k'ugize ngo nta mugabo ufise, Yohana 4:17"

Umugore yarahinduye indabo :

"..... Yesu aramubgira, at' Uvuze ko, k'ugize ngo nta mugabo ufise, kuko war' ufise abagabo batanu, arik' uwo ufise ubu s'umugabo wawe; ivyo ubivuze ukuri. Uno mugore aramubgira, ati Mugenzi, ndabona k'ur' umuntu avugishwa n'Imana. Ba sogokuruza bacu basengera kur' uyu musozi, ariko mweho mugira ngw i Yerusalemu ni ho hantu hakwiye gusengerwa. Yohana 4:17-20

Yesu yasavye uwomugore ngo :

"Arikw igihe kiza, kandi kirashitse, ni ho abasenga b'ukuri bazosengera Data mu mpwemu no mu kuri, kuko Data arondera abamusenga bameze bartyo. Yohana 4:23"

Umugore yacitse igishingantahe gikomeye :

"Maz' uno mugore asiga umubindi wiwe hano, asubira mu gisagara, abgira abantu, ati Ni muze murabe umuntu ambariye ivyo nakoze vyose: namb' ari we Kristo? Yohana 4:28-29 

Uwakijijwe na Yesu ntahora, wamugabo yasigara munzu, yumvise uwomugore aje yiruka, abarakura ipantalo, icatazi nuko uwuje atakiri umusambanyikazi. Abantu benshi barakiye agakiza kubwuwo yahoze ari umusambanyikazi.

"Benshi mu Basamariya bo mur' ico gisagara bamwizera kubg' amajambo ya wa mugore, yavuze ashinga intahe, at' Ambariye ivyo nakoze vyose. Maz' Abasamariya baje ah' ari, baramwinginga ngw agume i wabo; asibirayo kabiri. Hizera abandi benshi baruta aba mbere, kuko biyumviye ijambo ryiwe; maze babgira uwo mugore, bat' Ubu ho ntitwizeye kubg' amajambo yawe gusa, kuko natwe twiyumviye kandi tumenye k'uyu ar' Umukiza w'isi vy'ukuri. Yohana 4:39-42"

Mugenzi Yesu n'Umukiza w'isi yose, naho woba urumunyavyaha ruhebwa uyumusi aragukiza icaha cawe, mwizere.

Ushaka ivyirwa vyinshi nkibi kanda ngaha, ukurikirane inkuru zokiza ubugingo bwawe, umenye n'ahigihe kigeze.

Imana Ikwongere Umugisha.